لحظة الوداع

كنت بحلم طول عمرى انى اسافر برة مصر برة البلد اللى محدش من شعبها حابب يعيش فيها

مع انى فى شغلى وصلت لمراكز جميلة قوى بالنسبة لسنى

حاولت كتير وضورت كتير والفكرة لسة فى بالى

السفر

واخيرا جاتنى الفرصة

وبقيت بخلص فى الورق بكل جهدى زى مااكون خارج من النار ونصيبى جة فى السعودية

بلد جميلة قوى بلد محترمة جدا بلد اخلاقية بلد الواحد يعرف يعيش فيها من غير مايرتكب سيئات

دة كان فكرى قبل مااسافر !!!!

ومن اول يوم بخلص فية الورق وانا قمة السعادة والفرحة وشايف لنفسى مستقبل باهر برة مصر

وجة يوم السفر

كان على ما اتذكر يوم اربع

الكل فرحان وبيقولى مبروك الا شخص واحد مش فرحان

أمى

زعلت قوى قوى وكان نفسها انى افضل معاها انما انا فرحان ومستغرب وبقول هى لية مش عايزانى اسافر

بقول مانا هاكلمها وهاتكلمنى يعنى خلاص مفيش مشكلة ولما لقيتنى مصر على قرارى قالتلى ربنا ستر عليك

وابتسمت فى وشى بس ورا الابتسامة دى كانت بحور من الاحزان

الغربة 1

كم جميلا لو بقينا اصدقاء

نستمع الى تلك الكلمة كثير ويالها من كلمة رائعة فى فوائدها ويالها من كلمة تكون حلا لمشاكل كثيرة واكثرها فى ذلك الشعور الخفى الذى يلهينا عن اى شئ يكون لة الاولويات فى حياتنا انة الحب فعندما يكون طرف من الطرفين يحب الطرف الاخر والطرف الاخر لا يحبة فبأى عبارات الدنيا يجعل هذا الشخص لا يدايقة مرة اخرى لا توجد كلمة غير تلك الكلمة كم جميلا لو بقينا اصدقاء ولا يوجد ردا لها من الطرف المحب غير الخضوع لالاعيب تلك الكلمة التى فى اغلب الاحيان لا تكون غير انها لعبة مدبرة من مخلوق يدعى انسان ولكنها فى كل الاحوال حياة ولكن ماحلها هل نموت ليس بيدنا ولو كان فانة يعد من اكبر المحرمات ماذا نفعل لا شئ غير ان نقول حياة ولكن ليس بها اى تفائل وبيدك انت وانا وانتى وهو ان نخلق التفائل بداخلنا حتى نعيش دون ان نفكر فيما تكلمنا عنة من محرمات وسيأتى عليك الدور فى يوم من الايام حتى تقول كم جميلا لو بقينا اصدقاء.